De armen Udels!
25. September 2013
Gewalt gegen Schandarms hett düchtig toleggt, seggt de Udels. Welk verlangt sogor en egen Gesett för Gewalt gegen de Polizei. Nu – dat seht wi beten anners. Bi vele Demos kann jedereen sehn, wokeen de Gewalt uteuven deit. Nich bloots gegen Demonstranten, ok gegen Presselü un Tokiekers. Sünnerlich de „Hamborger Ketel“ is je bi uns erfunnen worrn. Weet ji dat noch? Binnensenoter Lange harr domools sien Hoot nehmen müsst. Inketeln vun Demonstranten verstött gegen dat Gesett. Liekers ward dat jümmer wedder mookt, tolest düt Johr bi „Blockupy“ in Frankfurt. Un wenn en Udel worhaftig mol för’t Brett mutt, ward he tomeist freesproken – no dat Motto: Een Kreih hackt de anner keen Oog ut. De armen Schandarms? Mi koomt de Tronen.
hjm
